-Smaken av voss-

Produksjonen opnar igjen! (publisert 12.03.26)

Me kan no informere om att produksjonen er i gang, og att hyllene i gardsbutikken byrjar å fylle seg opp igjen. 

Etter listeriafunnet sette me umiddelbart i verk tiltak og omfattande prøvetaking i samarbeid med Mattilsynet. Me har gjenngomgått våre rutinar og gjort forbetringar der det var nødvendig. Alle kontrollprøvar er no fine, og viser ingen teikn til listeria. 

Det tek tid å produsera opp att alle varer så foreløpig er det eldhusrøykt laks, smalahovesylte og rodlepylsa som er tilbake i hyllene av dei varene som var ein del av tilbaketrekkinga. 

Mattryggleik har alltid høgste prioritet for oss. Me takkar kundane våre for tolmodigheita, forståelsen og tilliten i denne perioden og ser fram til å levera trygge og gode produkt vidare!

Viktig melding (publisert 30.01.26)

Kjære alle kundar

Det har vorte påvist funn av bakterien Listeria i nokre av våre produkt, noko me ser svært alvorleg på. Me ventar framleis på fleire prøvesvar, men ynskjer likevel å tilbakekalle alle våre eteklare produkt – sikker mat har fyrste prioritet! 

I hovudsak gjelder dette rodlepylsa, smalahovesylte og sylteflesk, alle med pakkedato 01.09.25 – 31.12.25.  Me ynskjer i tillegg å tilbakekalle laks, aure, ribberull, spekeflesk, spekenakke, fenalår og fårepylsa med same pakkedato. 

Er du ein av dei som har eit av desse produkta, tek du bilete av etiketten, KASTAR produktet, og sender oss bilete og kontonummer for tilbakebetaling på e-post til post@smalahovetunet.no,  eller ta kontakt med oss på telefon 56516965.  

Me har godt samarbeid med Mattilsynet i denne prosessen, og vil takka dei for den fantastiske jobben dei gjer for å sikre trygg mat til alle.  

Me beklagar så mykje til alle som har vorte råka av dette, og gjennomgår no alle våre rutinar for att dette ikkje skal kunne skje.  Det er fyrste gong i løpet av vår produksjonstid me har opplevd dette og dette er ei melding me som matvareprodusent helst skulle ynskja å sleppa å senda ut!

Mattilsynet - Tilbakekalling av produkter etter mistanke om listeria